ויאמר להם הן לא ידעתם את המשל הזה ואיך תבינו את המשלים כלם׃

את מי יורה דעה ואת מי יבין שמועה גמולי מחלב עתיקי משדים׃

כי צו לצו צו לצו קו לקו קו לקו זעיר שם זעיר שם׃

ואני אמרתי אך דלים הם נואלו כי לא ידעו דרך יהוה משפט אלהיהם׃

אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו על נתקו מוסרות׃

ויאמר ישוע עדנה גם אתם באין בינה׃

העוד לא תשכילו כי כל הבא אל הפה יורד אל הכרש וישפך משם למוצאות׃

איך לא תבינו כי לא על הלחם אמרתי אליכם השמרו לכם משאר הפרושים והצדוקים׃

ויאמר אליהם הוי חסרי דעת וכבדי לב מהאמין בכל אשר דברו הנביאים׃

ויען ישוע ויאמר אליו רבן של ישראל אתה וזאת לא ידעת׃

חלב השקיתי אתכם ולא מאכל כי אז לא יכלתם וגם עתה לא תוכלו יען היתכם עוד של הבשר׃

על זאת יש לנו לדבר הרבה וקשות לבאר לכם במלין יען כי כבדו אזניכם׃