ואתה הרם את מטך ונטה את ידך על הים ובקעהו ויבאו בני ישראל בתוך הים ביבשה׃

ויבאו בני ישראל בתוך הים ביבשה והמים להם חמה מימינם ומשמאלם׃

וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד׃

ובני ישראל הלכו ביבשה בתוך הים והמים להם חמה מימינם ומשמאלם׃

ואמר עד פה תבוא ולא תסיף ופא ישית בגאון גליך׃

יהוה למבול ישב וישב יהוה מלך לעולם׃

נשאו נהרות יהוה נשאו נהרות קולם ישאו נהרות דכים׃

מקלות מים רבים אדירים משברי ים אדיר במרום יהוה׃

מן גערתך ינוסון מן קול רעמך יחפזון׃

גבול שמת בל יעברון בל ישובון לכסות הארץ׃

יקם סערה לדממה ויחשו גליהם׃

אש וברד שלג וקיטור רוח סערה עשה דברו׃

בשומו לים חקו ומים לא יעברו פיו בחוקו מוסדי ארץ׃

האותי לא תיראו נאם יהוה אם מפני לא תחילו אשר שמתי חול גבול לים חק עולם ולא יעברנהו ויתגעשו ולא יוכלו והמו גליו ולא יעברנהו׃

וירא ישוע את העם מתקבץ אליו ויגער ברוח הטמא לאמר רוח אלם וחרש אני מצוך צא ממנו ואל תסף לבוא בו עוד׃

גוער בים ויבשהו וכל הנהרות החריב אמלל בשן וכרמל ופרח לבנון אמלל׃

ויתיצב עליה ויגער בקדחת ותרף ממנה ותקם מהרה ותשרת אתם׃

אתה מושל בגאות הים בשוא גליו אתה תשבחם׃

כי לא יזנח לעולם אדני׃