ושם באר יעקב וישוע היה עיף מן הדרך וישב לו על הבאר והעת כשעה הששית׃

על כן היה עליו להדמות לאחיו בכל דבר למען אשר יהיה כהן גדול רחמן ונאמן בעניני אלהים לכפר על חטאת העם׃

כי אין לנו כהן גדול אשר לא יוכל להצטער על חליינו כי אם המנסה בכל כמונו אך בלי חטא׃

ויהי בצהרים ויהתל בהם אליהו ויאמר קראו בקול גדול כי אלהים הוא כי שיח וכי שיג לו וכי דרך לו אולי ישן הוא ויקץ׃

ויהי כעבר הצהרים ויתנבאו עד לעלות המנחה ואין קול ואין ענה ואין קשב׃

אם אתה תשחר אל אל ואל שדי תתחנן׃

אם זך וישר אתה כי עתה יעיר עליך ושלם נות צדקך׃

עורה למה תישן אדני הקיצה אל תזנח לנצח׃

למה פניך תסתיר תשכח ענינו ולחצנו׃

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

הלוא את היא המחרבת ים מי תהום רבה השמה מעמקי ים דרך לעבר גאולים׃

ויגשו אליו תלמידיו ויעירו אותו לאמר הושיענו אדנינו אבדנו׃

ויגשו ויעירו אותו לאמר מורה מורה אבדנו ויעור ויגער ברוח ובמשברי ים וישתקו ותהי דממה׃

למה יהוה תעמד ברחוק תעלים לעתות בצרה׃

בגאות רשע ידלק עני יתפשו במזמות זו חשבו׃

למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

אלהי אקרא יומם ולא תענה ולילה ולא דומיה לי׃

הלעולמים יזנח אדני ולא יסיף לרצות עוד׃

השכח חנות אל אם קפץ באף רחמיו סלה׃

למה תאמר יעקב ותדבר ישראל נסתרה דרכי מיהוה ומאלהי משפטי יעבור׃

הלוא ידעת אם לא שמעת אלהי עולם יהוה בורא קצות הארץ לא ייעף ולא ייגע אין חקר לתבונתו׃

ותאמר ציון עזבני יהוה ואדני שכחני׃

הן על כפים חקתיך חומתיך נגדי תמיד׃

כי כאשה עזובה ועצובת רוח קראך יהוה ואשת נעורים כי תמאס אמר אלהיך׃

בשצף קצף הסתרתי פני רגע ממך ובחסד עולם רחמתיך אמר גאלך יהוה׃

הבט משמים וראה מזבל קדשך ותפארתך איה קנאתך וגבורתך המון מעיך ורחמיך אלי התאפקו׃

העל אלה תתאפק יהוה תחשה ותעננו עד מאד׃

גם כי אזעק ואשוע שתם תפלתי׃

השליכו עליו כל יהבכם כי הוא ידאג לכם׃