בשרתי צדק בקהל רב הנה שפתי לא אכלא יהוה אתה ידעת׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

אפתחה במשל פי אביעה חידות מני קדם׃

לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃

כי את כל מעשה האלהים יבא במשפט על כל נעלם אם טוב ואם רע׃

על כן לא תיראום כי אין דבר מכסה אשר לא יגלה ואין נעלם אשר לא יודע׃

את אשר אני אמר לכם בחשך דברו באור ואשר ילחש לאזניכם השמיעו על הגגות׃

כי אין דבר נעלם אשר לא יגלה ואין גנוז אשר לא יודע ובא לאור׃

ואין דבר מכסה אשר לא יגלה ואין נעלם אשר לא יודע׃

לכן כל אשר דברתם בחשך באור ישמע ואת אשר לחשתם לאזן בחדרים קרא יקרא על הגגות׃

כי לא נוכל אנחנו לחדל מדבר את אשר ראינו ושמענו׃

כי לא כחדתי מהגיד לכם את עצת האלהים כלה׃

על כן אל תשפטו שפוט לפני העת עד כי יבוא האדון אשר גם יוציא לאור את תעלמות החשך ויגלה את עצת הלבבות ואז תהיה תהלה לכל איש מאת האלהים׃

את אשר היה מראש אשר שמענו ובעינינו ראינו אשר הבטנו ואשר מששו ידינו על דבר החיים׃

את אשר ראינו ושמענו נודיעה לכם למען תתחברו לנו גם אתם והתחברותנו היא עם האב ועם בנו ישוע המשיח׃