וידע ישוע ויסר משם וילך אחריו המון עם רב וירפאם כלם׃

ויצא ישוע וירא המון עם רב ויהמו מעיו עליהם וירפא את החלשים אשר בהם׃

ויהי כשמעה את שמע ישוע ותבוא בהמון העם מאחריו ותגע בבגדו׃

כי אמרה רק אם אגע בבגדיו אושע׃

ובכל מקום אשר יבא אל הכפרים או הערים ואל השדות שם שמו את החולים בחוצות ויתחננו לו כי יגעו רק בציצת בגדו והיה כל אשר נגעו ונושעו׃

ויבקשו ממנו כי יגעו רק בציצת בגדו וכל הנגעים נושעו׃

עד כי נשאו את החולים אל הרחבות וישימום על מטות ומשכבות למען אשר ילך פטרוס ונפל אך צלו על אחד מהם׃

וגבורות גדלות עשה האלהים על ידי פולוס׃

עד כי גם הניחו סודרים וחגרת מעל עור בשרו על החולים ויסורו מהם תחלאיהם וגם הרוחות הרעות יצאו׃

וייבש מקור דמיה פתאם ותבן בבשרה כי נרפא נגעה׃

וינגע יהוה את פרעה נגעים גדלים ואת ביתו על דבר שרי אשת אברם׃

הבשר עודנו בין שניהם טרם יכרת ואף יהוה חרה בעם ויך יהוה בעם מכה רבה מאד׃

ועבד לאחד משרי המאות חלה למות והוא יקר לו מאד׃

כי את אשר יאהב יהוה יוכיח יכאב את בן ירצה׃