ויאמר אליהם ישוע אתם כלכם תכשלו בי בלילה הזה כי כתוב אכה את הרעה ותפוצין הצאן׃

אחי מעלי הרחיק וידעי אך זרו ממני׃

חדלו קרובי ומידעי שכחוני׃

אהבי ורעי מנגד נגעי יעמדו וקרובי מרחק עמדו׃

עלי סמכה חמתך וכל משבריך ענית סלה׃

הרחקת מידעי ממני שתני תועבות למו כלא ולא אצא׃

הרחקת ממני אהב ורע מידעי מחשך׃

פורה דרכתי לבדי ומעמים אין איש אתי ואדרכם באפי וארמסם בחמתי ויז נצחם על בגדי וכל מלבושי אגאלתי׃

הנה שעה באה ועתה זה הגיעה ונפצותם איש איש לביתו ואתי תעזבו לבדי ואינני לבדי כי אבי עמדי׃

ויען ישוע הלא אמרתי לכם אני הוא לכן אם אתי תבקשו הניחו לאלה וילכו׃

בהתנצלותי הראשונה לא היה איש לעזרני כי כלם עזבוני אל יחשב להם עון׃