ויהי בהתהלכו על יד ים הגליל וירא את שמעון ואת אנדרי אחי שמעון פרשים מצודה בים כי דיגים היו׃

ויעזבו מהר את מכמרתיהם וילכו אחריו׃

ולא הניח לאיש ללכת אתו בלתי אם לפטרוס וליעקב וליוחנן אחי יעקב׃

ואחרי ששת ימים לקח ישוע את פטרוס ואת יעקב ואת יוחנן ויעלם על הר גבה אתו לבדם וישתנה לעיניהם׃

אהבי ורעי מנגד נגעי יעמדו וקרובי מרחק עמדו׃

למנצח על שושנים לדוד הושיעני אלהים כי באו מים עד נפש׃

יגעתי בקראי נחר גרוני כלו עיני מיחל לאלהי׃

למה יהוה תזנח נפשי תסתיר פניך ממני׃

עלי עברו חרוניך בעותיך צמתותני׃

ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃

ויקח אתו את פטרוס ואת שני בני זבדי ויחל להעצב ולמוג׃

ויאמר להם נפשי מרה לי עד מות עמדו פה ושקדו עמי׃

ויבאו עליו חבלי מות ויוסף להתפלל בחזקה ותהי זעתו כנטפי דם ירדים לארץ׃

אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃