Matthieu 20:29-34
29
ויהי כצאתם מיריחו וילך אחריו המון עם רב׃
30
והנה שני עורים ישבים על יד הדרך וישמעו כי ישוע עבר ויצעקו לאמר חננו נא אדנינו בן דוד׃
31
ויגער בם העם להשתיקם והם הרבו לצעק ויאמרו אדנינו חננו נא בן דוד׃
32
ויעמד ישוע ויקרא להם ויאמר מה תחפצו ואעשה לכם׃
33
ויאמרו אליו אדנינו עשה שתפקחנה עינינו׃
34
ורחמי ישוע נכמרו ויגע בעיניהם ופתאם החלו עיניהם לראות וילכו אחריו׃
Luc 18:35-43
35
ויהי בקרבו אל יריחו והנה איש עור ישב על הדרך והוא משאל׃
36
וישמע את קול העם העבר וידרש לדעת מה זאת׃
37
ויגידו לו כי ישוע הנצרי עובר׃
38
ויצעק לאמר ישוע בן דוד חנני׃
39
וההלכים בראשנה גערו בו להחשתו והוא הרבה עוד לצעק ישוע בן דוד חנני׃
40
ויעמד ישוע ויצו להביאו אליו ויהי כאשר קרב וישאלהו לאמר׃
41
מה חפצך כי אעשה לך ויאמר אדני כי אראה׃
42
ויאמר אליו ראה אמונתך הושיעה לך׃
43
ופתאם ראה וילך אחריו הלך ושבח את האלהים וכל העם בראותם זאת נתנו תודה לאלהים׃
Luc 16:20
ואיש אביון ושמו לעזר משכב פתח שער ביתו והוא מלא אבעבעות׃
Luc 16:22
ויהי כאשר מת האביון ויובל על ידי המלאכים אל חיק אברהם וימת גם העשיר ויקבר׃
Jean 9:8
ויאמרו שכניו ואשר ראו אתו לפנים כי עור הוא הלא זה הוא הישב ומשאל׃
Actes 3:2
ואיש אחד פסח מבטן אמו מובא שמה אשר יושיבהו יום יום שער המקדש הנקרא שער המהדר לשאל מתנות מאת באי המקדש׃
Actes 3:3
ויהי כראותו את פטרוס ואת יוחנן באים אל המקדש ויבקש לקחת מאתם צדקה׃