ויאמר יהוה אל אברם לך לך מארצך וממולדתך ומבית אביך אל הארץ אשר אראך׃

ואברכה מברכיך ומקללך אאר ונברכו בך כל משפחת האדמה׃

ועינכם אל תחס על כליכם כי טוב כל ארץ מצרים לכם הוא׃

האמר לאביו ולאמו לא ראיתיו ואת אחיו לא הכיר ואת בנו לא ידע כי שמרו אמרתך ובריתך ינצרו׃

ברך יהוה חילו ופעל ידיו תרצה מחץ מתנים קמיו ומשנאיו מן יקומון׃

ואתם הם העמדים עמדי עד עתה בנסיונתי׃

למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃

באמונה מאן משה כאשר גדל להקרא בן לבת פרעה׃

בחשבו את חרפת המשיח לעשר גדול מאצרות מצרים כי הביט אל הגמול׃

כי כל אשר יחפץ להושיע את נפשו תאבד נפשו ממנו וכל אשר תאבד לו נפשו למעני ולמען הבשורה הוא יושיענה׃

אשרי הנרדפים על דבר הצדקה כי להם מלכות השמים׃

אשריכם אם יחרפו וירדפו אתכם וידברו בשקר עליכם כל רע בעבורי׃

ולפני משלים ומלכים תובאו למעני לעדות להם ולגוים׃

ואת זאת אני עשה בעבור הבשורה למען אקח חלקי בה גם אנכי׃

ואתה נשאת הרבה ויש לך סבלנות ולמען שמי לא יעפת׃