בימים ההם בא יוחנן המטביל ויהי קרא במדבר יהודה לאמר׃

שובו כי מלכות השמים הגיעה׃

ויטבלו על ידו בירדן מתודים את חטאתם׃

הן אנכי טובל אתכם במים לתשובה והבא אחרי חזק הוא ממני אשר אינני כדי לשאת נעליו והוא יטבל אתכם ברוח הקדש ובאש׃

בימי הכהנים הגדולים חנן וקיפא היה דבר אלהים אל יוחנן בן זכריה במדבר׃

ויבא אל כל ככר הירדן ויקרא טבילת התשובה לסליחת החטאים׃

וגם יוחנן היה טבל בעינון קרוב לשלם כי שמה מים לרב ויבאו ויטבלו׃

אתם ידעתם את הדבר הנעשה בכל יהודה החל מן הגליל אחרי הטבילה אשר קרא אותה יוחנן׃

אשר לפני בואו קדם יוחנן לקרא את טבילת התשובה אל כל עם ישראל׃

ויהי ככלות יוחנן את מרוצתו ויאמר למי תחשבוני לא אני הוא כי הנה הוא בא אחרי ואני נקלתי מהתיר את נעלי רגליו׃

ויאמר אליהם על מה אפוא הטבלתם ויאמרו על טבילת יוחנן׃

ויאמר פולוס יוחנן הטביל בטבילת התשובה ואמר אל העם כי האמן יאמינו באשר יבוא אחריו והוא המשיח ישוע׃

ועתה למה תתמהמה קום והטבל והתרחץ מחטאתיך בקראך בשמו׃