Esaïe 40:3-5
3
קול קורא במדבר פנו דרך יהוה ישרו בערבה מסלה לאלהינו׃
4
כל גיא ינשא וכל הר וגבעה ישפלו והיה העקב למישור והרכסים לבקעה׃
5
ונגלה כבוד יהוה וראו כל בשר יחדו כי פי יהוה דבר׃
Matthieu 3:3
הלא זה הוא אשר נבא עליו ישעיהו הנביא לאמר קול קורא במדבר פנו דרך יהוה ישרו מסלותיו׃
Luc 3:4-6
4
ככתוב בספר דברי ישעיהו הנביא קול קורא במדבר פנו דרך יהוה ישרו מסלותיו׃
5
כל גיא ינשא וכל הר וגבעה ישפלו והיה העקב למישור והרכסים לבקעה׃
6
וראו כל בשר את ישועת אלהים׃
Jean 1:15
ויוחנן מעיד עליו ויקרא לאמר הנה זה הוא אשר אמרתי עליו הבא אחרי היה לפני כי קדם לי היה׃
Jean 1:19-34
19
וזאת היא עדות יוחנן בשלח היהודים מירושלים כהנים ולוים לשאל אתו מי אתה׃
20
ויודה ולא כחש ויודה לאמר אני אינני המשיח׃
21
וישאלו אתו מי אפוא אתה האתה אליהו ויאמר אינני האתה הנביא ויען לא׃
22
ויאמרו אליו מי זה אתה למען נשיב לשלחינו דבר מה תאמר עליך׃
23
ויאמר אני קול קורא במדבר פנו דרך יהוה כאשר דבר ישעיהו הנביא׃
24
והמשלחים היו מן הפרושים׃
25
וישאלהו ויאמרו אליו מדוע אפוא מטביל אתה אם אינך המשיח או אליה או הנביא׃
26
ויען אתם יוחנן ויאמר אנכי מטביל במים ובתוככם עומד אשר לא ידעתם אתו׃
27
הוא הבא אחרי אשר היה לפני ואני נקלתי מהתיר שרוך נעליו׃
28
זאת היתה בבית עברה מעבר לירדן מקום אשר יוחנן מטביל שם׃
29
ויהי ממחרת וירא יוחנן את ישוע בא אליו ויאמר הנה שה האלהים הנשא חטאת העולם׃
30
זה הוא אשר אמרתי עליו אחרי יבא איש אשר היה לפני כי קדם לי היה׃
31
ואני לא ידעתיו כי אם בעבור יגלה בישראל באתי אני לטבל במים׃
32
ויעד יוחנן ויאמר חזיתי הרוח כדמות יונה ירדת משמים ותנח עליו׃
33
ואני לא ידעתיו אולם השלח אתי לטבל במים הוא אמר אלי את אשר תראה הרוח ירדת ונחה עליו הנה זה הוא אשר יטבל ברוח הקדש׃
34
ואני ראיתי ואעידה כי זה הוא בן האלהים׃
Jean 3:28-36
28
ואתם עדי כי אמרתי אנכי אינני המשיח רק שלוח אני לפניו׃
29
אשר לו הכלה הוא החתן ורע החתן העמד ושמע אתו שמוח ישמח לקול החתן הנה שמחתי זאת עתה שלמה׃
30
הוא יגדל הלוך וגדל ואני אחסר הלוך וחסור׃
31
הבא ממעל נעלה על כל ואשר מארץ מארץ הוא ומארץ ידבר הבא משמים נעלה על כל׃
32
ואת אשר ראה ושמע את זאת יעיד ואין מקבל עדותו׃
33
ואשר קבל עדותו חתום חתם כי האלהים אמת׃
34
כי את אשר שלחו אלהים דברי אלהים ידבר כי לא במדה נתן אלהים את הרוח׃
35
האב אהב את בנו ואת כל נתן בידו׃
36
כל המאמין בבן יש לו חיי עולמים ואשר לא יאמין בבן לא יראה חיים כי אם חרון אלהים ישכן עליו׃