ויבא לארצו וילמד אתם בבית כנסתם עד כי השתוממו ויאמרו מאין לזה החכמה הזאת והגבורות׃

יפיפית מבני אדם הוצק חן בשפתותיך על כן ברכך אלהים לעולם׃

וישתוממו על תורתו כי היה מלמדם כבעל גבורה ולא כספרים׃

וביום השבת החל ללמד בבית הכנסת וישמעו רבים וישתוממו לאמר מאין לזה כאלה ומה היא החכמה הנתונה לו עד אשר נעשו גבורות כאלה על ידיו׃

וכלם העידהו ותמהו על דברי חן אשר יצאו מפיהו ויאמרו הלא זה הוא בן יוסף׃

וישתוממו על תורתו כי עצום דברו׃

ולא מצאו מה לעשות כי כל העם דבקו אחריו לשמע אתו׃

ויתמהו היהודים ויאמרו איך ידע זה ספר והוא לא למד׃

ויענו העבדים מעולם לא דבר איש כאיש הזה׃