קבלו עליכם את עלי ולמדו ממני כי ענו ושפל רוח אנכי ותמצאו מרגוע לנפשתיכם׃

אמרו לבת ציון הנה מלכך יבוא לך עני ורכב על חמור ועל עיר בן אתנות׃

והאיש משה ענו מאד מכל האדם אשר על פני האדמה׃

יאכלו ענוים וישבעו יהללו יהוה דרשיו יחי לבבכם לעד׃

ידרך ענוים במשפט וילמד ענוים דרכו׃

ראו ענוים ישמחו דרשי אלהים ויחי לבבכם׃

מעודד ענוים יהוה משפיל רשעים עדי ארץ׃

כי רוצה יהוה בעמו יפאר ענוים בישועה׃

ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃

ויספו ענוים ביהוה שמחה ואביוני אדם בקדוש ישראל יגילו׃

רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃

בקשו את יהוה כל ענוי הארץ אשר משפטו פעלו בקשו צדק בקשו ענוה אולי תסתרו ביום אף יהוה׃

וענוה ופרישות אין תורה לנגד עשי אלה׃

בכל נמיכות וענוה ובארך רוח לשאת איש את רעהו באהבה׃

לכן אתם כבחירי האלהים הקדשים והחביבים לבשו המון רחמים ונדיבות ונמיכות רוח וענוה וארך אפים׃

ואתה איש האלהים ברח לך מאלה ורדף צדקה וחסידות ואמונה ואהבה וסבלנות וענוה׃

ומיסר בנמיכות רוח את המתנגדים אולי יתן האלהים בלבבם לשוב להכרת האמת׃

ולבלתי גדף אדם ולחדל מריב ולהכריע לכף זכות ולהתנהג בכל ענוה לפני כל אדם׃

לכן הסירו מעליכם כל טנוף ותרבות רעה וקבלו בענוה את הדבר הנטוע בכם אשר יכל להושיע את נפשתיכם׃

מי בכם חכם ונבון יראה בדרכו הטובה את מעשיו בענות החכמה׃

כי אם האדם הצפון פנימה ברוח ענוה והשקט אשר לא יכלה ויקר הוא בעיני אלהים׃

את יהוה אלהים אתו תקדישו בלבבכם והיו נכנים תמיד להשיב דבר בענוה וביראה לכל שאל אתכם חשבון התוחלת אשר בקרבכם׃

נפשו בטוב תלין וזרעו יירש ארץ׃

כי מרעים יכרתון וקוי יהוה המה יירשו ארץ׃

וענוים יירשו ארץ והתענגו על רב שלום׃

כי מברכיו יירשו ארץ ומקלליו יכרתו׃

צדיקים יירשו ארץ וישכנו לעד עליה׃

קוה אל יהוה ושמר דרכו וירוממך לרשת ארץ בהכרת רשעים תראה׃

ועמך כלם צדיקים לעולם יירשו ארץ נצר מטעו מעשה ידי להתפאר׃

כי לא על ידי תורה באה ההבטחה לאברהם ולזרעו להיותו ירש העולם כי אם על ידי צדקת האמונה׃