ואמר אליהם אם טוב בעיניכם הבו שכרי ואם לא חדלו וישקלו את שכרי שלשים כסף׃

ויאמר יהוה אלי השליכהו אל היוצר אדר היקר אשר יקרתי מעליהם ואקחה שלשים הכסף ואשליך אתו בית יהוה אל היוצר׃

ויאמר מה תתנו לי ואמסרנו בידכם וישקלו לו שלשים כסף׃

אם עבד יגח השור או אמה כסף שלשים שקלים יתן לאדניו והשור יסקל׃

דבר אל בני ישראל ואמרת אלהם איש כי יפלא נדר בערכך נפשת ליהוה׃

ואם נקבה הוא והיה ערכך שלשים שקל׃

ואם מבן חדש ועד בן חמש שנים והיה ערכך הזכר חמשה שקלים כסף ולנקבה ערכך שלשת שקלים כסף׃