בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃

יחיו מתיך נבלתי יקומון הקיצו ורננו שכני עפר כי טל אורת טלך וארץ רפאים תפיל׃

מיד שאול אפדם ממות אגאלם אהי דבריך מות אהי קטבך שאול נחם יסתר מעיני׃

אמן אמן אני אמר לכם כי תבוא שעה ועתה היא אשר ישמעו המתים את קול בן האלהים והשמעים חיה יחיו׃

ואף שלטן נתן לו לעשות משפט כי בן אדם הוא׃

ויצאו עשי הטוב לתקומת החיים ועשי הרע לתקומת המשפט׃

ועתה המשיח הוקם מן המתים ויהי לראשית הישנים׃

ורבים מישני אדמת עפר יקיצו אלה לחיי עולם ואלה לחרפות לדראון עולם׃

בעבור זאת יש בכם חולים וחלשים רבים והרבה ישנו המות׃

הנה סוד אגידה לכם הן לא כלנו נישן המות אבל כלנו נתחלף׃

כי אם נאמין אשר מת ישוע ויחי כן יביא האלהים על ידי ישוע גם את הישנים אתו׃

אשר מת בעדנו למען אם נשקד ואם נישן חיה נחיה עמו יחד׃