ויעזבם ויצא מחוץ לעיר אל בית היני וילן שם׃

ויהי ממחרת בצאתם מבית היני וירעב׃

ויהי איש חולה לעזר שמו מבית היני כפר מרים ומרתא אחותה׃

היא מרים אשר משחה את האדון בשמן המר ותנגב את רגליו בשערותיה ועתה לעזר אחיה חלה׃

וששת ימים לפני חג הפסח בא ישוע לבית היני מקום לעזר אשר העיר אתו מעם המתים׃

ויהי בהיותו בבית היני בית שמעון המצרע ויסב אל השלחן ותבא אשה ובידה פך שמן נרד זך ויקר מאד ותשבר את הפך ותצק על ראשו׃