וילך מעט האלה ויפל על פניו ויתפלל לאמר אבי אם יוכל להיות תעבר נא מעלי הכוס הזאת אך לא כרצוני כי אם כרצונך׃

למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

אלהי אקרא יומם ולא תענה ולילה ולא דומיה לי׃

למנצח על שושנים לדוד הושיעני אלהים כי באו מים עד נפש׃

יגעתי בקראי נחר גרוני כלו עיני מיחל לאלהי׃

שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃

תבוא לפניך תפלתי הטה אזנך לרנתי׃

ויסף לסור ויתפלל באמרו עוד הפעם כדברים ההמה׃

וישב וימצאם שנית ישנים כי עיניהם היו כבדות ולא ידעו מה יענהו׃

כי אין לנו כהן גדול אשר לא יוכל להצטער על חליינו כי אם המנסה בכל כמונו אך בלי חטא׃

אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃

ואף כי היה הבן למד מענותו לשמוע׃