וכשמעם את זאת תמהו ויעזבהו וילכו להם׃

ויהי ככלות ישוע לדבר את הדברים האלה וישתומם המון העם על תורתו׃

כי היה מלמד אותם כבעל גבורה ולא כסופרים׃

וביום השבת החל ללמד בבית הכנסת וישמעו רבים וישתוממו לאמר מאין לזה כאלה ומה היא החכמה הנתונה לו עד אשר נעשו גבורות כאלה על ידיו׃

ויאמר ישוע אליהם את אשר לקיסר תנו לקיסר ואת אשר לאלהים תנו לאלהים ויתמהו עליו׃

וכל השמעים אליו השתוממו על שכלו ועל תשובתיו׃

וכלם העידהו ותמהו על דברי חן אשר יצאו מפיהו ויאמרו הלא זה הוא בן יוסף׃

ויענו מן הסופרים רבי יפה דברת׃

ולא ערבו עוד את לבם לשאל אותו דבר׃

ויענו העבדים מעולם לא דבר איש כאיש הזה׃