ואני ידעתי גאלי חי ואחרון על עפר יקום׃

אשר אני אחזה לי ועיני ראו ולא זר כלו כליתי בחקי׃

לכן שמח לבי ויגל כבודי אף בשרי ישכן לבטח׃

תודיעני ארח חיים שבע שמחות את פניך נעמות בימינך נצח׃

אני בצדק אחזה פניך אשבעה בהקיץ תמונתך׃

כצאן לשאול שתו מות ירעם וירדו בם ישרים לבקר וצירם לבלות שאול מזבל לו׃

אך אלהים יפדה נפשי מיד שאול כי יקחני סלה׃

מי לי בשמים ועמך לא חפצתי בארץ׃

כלה שארי ולבבי צור לבבי וחלקי אלהים לעולם׃

בלע המות לנצח ומחה אדני יהוה דמעה מעל כל פנים וחרפת עמו יסיר מעל כל הארץ כי יהוה דבר׃

יחיו מתיך נבלתי יקומון הקיצו ורננו שכני עפר כי טל אורת טלך וארץ רפאים תפיל׃

הצדיק אבד ואין איש שם על לב ואנשי חסד נאספים באין מבין כי מפני הרעה נאסף הצדיק׃

יבוא שלום ינוחו על משכבותם הלך נכחו׃

ורבים מישני אדמת עפר יקיצו אלה לחיי עולם ואלה לחרפות לדראון עולם׃

והמשכלים יזהרו כזהר הרקיע ומצדיקי הרבים ככוכבים לעולם ועד׃

מיד שאול אפדם ממות אגאלם אהי דבריך מות אהי קטבך שאול נחם יסתר מעיני׃

ויאמר אליהם אלה הם הדברים אשר דברתי אליכם בעוד היותי עמכם כי המלא ימלא כל הכתוב עלי בתורת משה ובנביאים ובתהלים׃

ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃

כי לא הבינו עד עתה את הכתוב אשר קום יקום מעם המתים׃

כי כל אשר נכתב מלפנים ללמדנו נכתב למען תהיה לנו תקוה בסבלנות ובתנחומות הכתובים׃

היפלא מיהוה דבר למועד אשוב אליך כעת חיה ולשרה בן׃

אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר׃

כי לא יפלא מאלהים כל דבר׃

מדוע יפלא בעיניכם כי האלהים יחיה מתים׃

כי אזרחותנו בשמים היא ומשם מחכים אנחנו למושיענו אדנינו ישוע המשיח׃ [ (Philippians 3:22) אשר יחליף את גוף שפלותנו להיותו דומה לגוף כבודו כפי כח יכלתו לכבש הכל תחתיו׃ ]