וסלח לנו את חבותינו כאשר סלחנו גם אנחנו לחיבינו׃

כי אם תסלחו לבני אדם את חטאתם אביכם שבשמים יסלח גם לכם׃

ואם לא תסלחו לבני אדם גם אביכם לא יסלח לכם את חטאתיכם׃

אל תשפטו למען לא תשפטו׃

כי במשפט אשר אתם שפטים בו תשפטו ובמדה אשר אתם מדדים בה ימד לכם׃

אטם אזנו מזעקת דל גם הוא יקרא ולא יענה׃

ואתם אם לא תסלחו אף אביכם שבשמים לא יסלח לכם את פשעיכם׃

ואל תשפטו ולא תשפטו אל תחיבו ולא תחיבו נקו ותנקו׃

תנו ותנתן לכם מדה טובה דחוקה וגדושה ומשפעה יתנו אל חיקכם כי במדה אשר אתם מודדים בה ימד לכם׃

כי אין חסד בדין לאשר לא עשה חסד והחסד יתגאה על הדין׃

כל דרך איש ישר בעיניו ותכן לבות יהוה׃

וגם בכל זאת לא שבה אלי בגודה אחותה יהודה בכל לבה כי אם בשקר נאם יהוה׃

ולבם שמו שמיר משמוע את התורה ואת הדברים אשר שלח יהוה צבאות ברוחו ביד הנביאים הראשנים ויהי קצף גדול מאת יהוה צבאות׃

ויאמר אליהם אתם הם המצטדקים לפני האדם ואלהים יודע את לבבכם כי הגבה באדם תועבה הוא לפני האלהים׃

ואם קנאה מרה ומריבה בלבבכם אל תתהללו ואל תשקרו באמת׃

קרבו לאלהים ויקרב אליכם רחצו ידיכם החטאים טהרו לבבכם חלוקי הלבב׃

והרגתי במות את בניה וידעו כל הקהלות כי אני חקר כליות ולב ונתתי לכם לכל איש כפרי מעלליו׃