את לחם חקנו תן לנו היום׃

וסלח לנו את חבותינו כאשר סלחנו גם אנחנו לחיבינו׃

כי אם תסלחו לבני אדם את חטאתם אביכם שבשמים יסלח גם לכם׃

ואם לא תסלחו לבני אדם גם אביכם לא יסלח לכם את חטאתיכם׃

יעזב רשע דרכו ואיש און מחשבתיו וישב אל יהוה וירחמהו ואל אלהינו כי ירבה לסלוח׃

ישוב ירחמנו יכבש עונתינו ותשליך במצלות ים כל חטאותם׃

וכי תעמדו להתפלל תסלחו לכל איש את אשר בלבבכם עליו למען יסלח לכם אביכם שבשמים אף הוא את פשעיכם׃

ואתם אם לא תסלחו אף אביכם שבשמים לא יסלח לכם את פשעיכם׃

אל נא יכבשך הרע כבוש אתה את הרע בטוב׃

רגזו ואל תחטאו אל תשקע החמה על רגזכם׃

כל מרירות וחמה ורגז וצעקה וגדוף תסירו מכם עם כל הרשעה׃

והיו טובים איש אל רעהו ורחמנים וסלחים איש לאחיו כאשר סלח לכם האלהים במשיח׃

לכן לכו בדרך האלהים כבנים חביבים׃

ותשאו איש את רעהו ותסלחו בהיות לכם ריב איש עם אחיו כאשר המשיח סלח לכם כן תסלחו גם אתם׃

לכן רצוני שיתפללו האנשים בכל מקום וישאו ידיהם קדש בלי כעס ומדון׃