ואם תכשילך עין ימינך נקר אותה והשלך ממך כי טוב לך אשר יאבד אחד מאבריך מרדת כל גופך אל גיהנם׃

ויען השטן את יהוה ויאמר עור בעד עור וכל אשר לאיש יתן בעד נפשו׃

כי מה יסכן לאדם כי יקנה את כל העולם ונשחתה נפשו׃

כי מה יועיל האדם כי יקנה את כל העולם ואבד והשחית את נפשו׃

ויוסף השטן וישאהו אל הר גבה מאד ויראהו את כל ממלכות תבל וכבודן׃

ויאמר אליו את כל זאת לך אתננה אם תקד ותשתחוה לי׃

כי מה תקות חנף כי יבצע כי ישל אלוה נפשו׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

ויאמר אברהם בני זכר כי לקחת טובך בחייך וגם לעזר לקח את הרעות ועתה הוא ינחם ואתה תצטער׃

אח לא פדה יפדה איש לא יתן לאלהים כפרו׃

ויקר פדיון נפשם וחדל לעולם׃

או מה יתן איש פדיון נפשו׃