לא הבא אל הפה יטמא את האדם כי אם היוצא מן הפה הוא מטמא את האדם׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

כאשר יאמר משל הקדמני מרשעים יצא רשע וידי לא תהיה בך׃

דברי פיו און ומרמה חדל להשכיל להיטיב׃

אדם בליעל איש און הולך עקשות פה׃

שפתי צדיק ידעון רצון ופי רשעים תהפכות׃

לשון חכמים תיטיב דעת ופי כסילים יביע אולת׃

לב צדיק יהגה לענות ופי רשעים יביע רעות׃

ויאמר אליו מפיך אשפטך העבד הרע אתה ידעת כי אני איש קשה לקח את אשר לא הנחתי וקוצר את אשר לא זרעתי׃

כן הלשון נצבת בין אברינו המגאלת את כל הגוף ומלהטת את גלגל הויתנו והיא להוטה באש גיהנם׃

אבל הלשון אין אדם יכל לכבשה אין מעצור לרעה הזאת וסם המות מלאה׃

מפה אחד יצאת ברכה וקללה וכן לא יעשה אחי׃

וינתן לה פה ממלל גדלות ונאצות ושלטן נתן לה להלחם ארבעים ושנים חדשים׃

ותפתח את פיה לנאצה אל האלהים ותנאץ את שמו ואת משכנו ואת החנים בשמים׃