Matthieu 16:1-4
1
ויגשו הפרושים והצדוקים לנסותו וישאלו מאתו להראותם אות מן השמים׃
2
ויען ויאמר להם בערב תאמרו יום צח יהיה כי אדמו השמים׃
3
ובבקר תאמרו היום סער כי אדמו והתקדרו השמים חנפים אתם את פני השמים ידעתם לבחן ואתות העתים לא תוכלו׃
4
דור רע ומנאף בקש לו אות ואות לא ינתן לו בלתי אם אות יונה הנביא ויעזבם וילך לו׃
Marc 8:11
ויצאו הפרושים ויחלו להתוכח אתו וישאלו מעמו אות מן השמים והם מנסים אתו׃
Marc 8:12
ויאנח ברוחו ויאמר מה הדור הזה מבקש לו אות אמן אמר אני לכם אם ינתן אות לדור הזה׃
Luc 11:16
ויש אשר נסוהו וישאלו ממנו אות מן השמים׃
Luc 11:29
ויקבצו עם רב ויחל לדבר הדור הזה דור רע הוא אות הוא מבקש ואות לא ינתן לו בלתי אם אות יונה הנביא׃
Jean 2:18
ויענו היהודים ויאמרו אליו אי זו אות תראנו כי כזאת אתה עשה׃
Jean 4:48
ויאמר אליו ישוע אם לא תראו אתות ומופתים לא תאמינו׃
1 Corinthiens 1:22
כי היהודים שאלים להם אות והיונים מבקשים חכמה׃