הם הלכו משם והנה מלאך יהוה נראה אל יוסף בחלום לאמר קום קח את הילד ואת אמו וברח לך מצרימה והיה שם עד אשר אמר אליך כי הורדוס צדה את הילד לאבדו׃

ויהי כשמעו כי הסגירו את יוחנן וילך לו ארץ הגליל׃

ויצא הפרושים ויתיעצו עליו לאבדו׃

וידע ישוע ויסר משם וילך אחריו המון עם רב וירפאם כלם׃

ויקומו וידיחו אותו אל מחוץ לעיר ויביאהו עד גב ההר אשר נבנתה עירם עליו למען השליכו מטה׃

וירד אל כפר נחום עיר הגליל וילמדם בשבתות׃

אחרי הדברים האלה הלך ישוע בארץ הגליל הלוך ועבור כי לא אבה להתהלך ביהודה על אשר בקשו היהודים להרגו׃

אז ישובו ויבקשו לתפשו וימלט מידם׃

ויבאו אליו רבים ויאמרו הנה יוחנן לא עשה אות אבל כל אשר דבר יוחנן על האיש הזה אמת היה׃

ויועצו יחדו להמיתו מהיום ההוא והלאה׃

על כן לא התהלך ישוע עוד בתוך היהודים בגלוי כי אם סר משם לארץ הקרובה אל המדבר אל עיר עפרים ויגר שם עם תלמידיו׃

ושאול גם הוא היה רצה בהרגתו ותהי ביום ההוא רדיפה גדולה על הקהלה אשר בירושלים ויפצו כלם בערי יהודה ושמרון לבד מן השליחים׃

ויודע לשאול ארבם והמה שמרו את השערים יומם ולילה למען ימיתהו׃

ויקחו אתו התלמידים לילה ויורידהו בסל בעד החומה׃

אך היהודים הסיתו את הנשים החסידות והחשובות ואת אצילי העיר ויעוררו רדיפה על פולוס ובר נבא ויגרשום מגבולם׃

והמה נערו עליהם את העפר מעל רגליהם וילכו לאיקניון׃

ויודע להם ויברחו לערי לוקוניא אל לוסטרא ודרבי וסביבותן׃

ויבשרו שם הבשורה׃

ויבאו שמה יהודים מן אנטיוכיא ומן איקניון ויסיתו את העם וירגמו את פולוס באבנים ויסחבהו חוצה לעיר בחשבם כי מת׃

ויסבו אתו התלמידים ויקם ויבא העירה וממחרת יצא אל דרבי הוא ובר נבא׃

והאחים מהרו לשלח את פולוס ואת סילא לילה לברואה והם בבאם שמה הלכו לבית כנסת היהודים׃

וימהרו האחים וישלחו את פולוס ללכת עד הים וסילא וטימותיוס נשארו שם׃

ואחרי אשר שקטה המהומה קרא פולוס לתלמידים ויברכם ויצא ללכת אל מקדוניא׃

אמן אמר אני לכם כי יש מן העמדים פה אשר לא יטעמו מות עד כי יראו את בן האדם בא במלכותו׃

כי כברק היוצא ממזרח ומאיר עד מערב כן יהיה גם בואו של בן האדם׃

אז אות בן האדם יראה בשמים וספדו כל משפחות הארץ וראו את בן האדם בא עם ענני השמים בגבורה וכבוד רב׃

ואם העבד הרע יאמר בלבו בשש אדני לבוא׃

לכן שקדו כי אינכם יודעים את היום ואת השעה אשר יבא בה בן האדם׃

ויאמר אליו ישוע אתה אמרת אבל אני אמר לכם כי מעתה תראו את בן האדם ישב לימין הגבורה ובא עם ענני השמים׃

ואז יראו את בן האדם בא בעננים בגבורה רבה ובכבוד׃

אני אמר לכם כי יעשה את דינם במהרה אך בן האדם בבאו הימצא אמונה בארץ׃

ואז יראו את בן האדם בא בענן בגבורה ובכבוד רב׃