Exode 3:13-15
13
ויאמר משה אל האלהים הנה אנכי בא אל בני ישראל ואמרתי להם אלהי אבותיכם שלחני אליכם ואמרו לי מה שמו מה אמר אלהם׃
14
ויאמר אלהים אל משה אהיה אשר אהיה ויאמר כה תאמר לבני ישראל אהיה שלחני אליכם׃
15
ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃
Exode 6:3
וארא אל אברהם אל יצחק ואל יעקב באל שדי ושמי יהוה לא נודעתי להם׃
Exode 34:5-7
5
וירד יהוה בענן ויתיצב עמו שם ויקרא בשם יהוה׃
6
ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃
7
נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃
Deutéronome 28:10
וראו כל עמי הארץ כי שם יהוה נקרא עליך ויראו ממך׃
2 Chroniques 7:14
ויכנעו עמי אשר נקרא שמי עליהם ויתפללו ויבקשו פני וישבו מדרכיהם הרעים ואני אשמע מן השמים ואסלח לחטאתם וארפא את ארצם׃
Esaïe 43:7
כל הנקרא בשמי ולכבודי בראתיו יצרתיו אף עשיתיו׃
Jérémie 14:9
למה תהיה כאיש נדהם כגבור לא יוכל להושיע ואתה בקרבנו יהוה ושמך עלינו נקרא אל תנחנו׃
Daniel 9:18
הטה אלהי אזנך ושמע פקחה עיניך וראה שממתינו והעיר אשר נקרא שמך עליה כי לא על צדקתינו אנחנו מפילים תחנונינו לפניך כי על רחמיך הרבים׃
Daniel 9:19
אדני שמעה אדני סלחה אדני הקשיבה ועשה אל תאחר למענך אלהי כי שמך נקרא על עירך ועל עמך׃
Matthieu 28:19
לכו ועשו לתלמידים את כל הגוים וטבלתם אתם לשם האב והבן ורוח הקדש׃
Nombres 23:20
הנה ברך לקחתי וברך ולא אשיבנה׃
Génèse 12:2
ואעשך לגוי גדול ואברכך ואגדלה שמך והיה ברכה׃
Génèse 12:3
ואברכה מברכיך ומקללך אאר ונברכו בך כל משפחת האדמה׃
Génèse 32:26
ויאמר שלחני כי עלה השחר ויאמר לא אשלחך כי אם ברכתני׃
Génèse 32:29
וישאל יעקב ויאמר הגידה נא שמך ויאמר למה זה תשאל לשמי ויברך אתו שם׃
1 Chroniques 4:10
ויקרא יעבץ לאלהי ישראל לאמר אם ברך תברכני והרבית את גבולי והיתה ידך עמי ועשית מרעה לבלתי עצבי ויבא אלהים את אשר שאל׃
Psaumes 5:12
כי אתה תברך צדיק יהוה כצנה רצון תעטרנו׃
Psaumes 67:7
יברכנו אלהים וייראו אתו כל אפסי ארץ׃
Psaumes 115:12
יהוה זכרנו יברך יברך את בית ישראל יברך את בית אהרן׃
Psaumes 115:13
יברך יראי יהוה הקטנים עם הגדלים׃
Ephésiens 1:3
ברוך הוא האלהים ואבי אדנינו ישוע המשיח אשר ברכנו בכל ברכת רוח במרומים במשיח׃