והנה בעז בא מבית לחם ויאמר לקוצרים יהוה עמכם ויאמרו לו יברכך יהוה׃

יברכך יהוה מציון עשה שמים וארץ׃

כי אם תברך ברוח איך יענה העמד נמצב ההדיוט אמן על הודיתך באשר לא ידע מה אתה אמר׃

החסד עם כל האהבים את אדנינו ישוע המשיח באהבה אשר לא תכלה אמן׃

חסד ישוע המשיח אדנינו עם כלכם אמן׃

יוחנן אל שבע הקהלות אשר באסיא חסד לכם ושלום מאת ההוה והיה ויבוא ומן שבעת הרוחות אשר לפני כסאו׃

ומאת ישוע המשיח העד הנאמן ובכור מן המתים ועליון למלכי ארץ לו אשר אהב אתנו ובדמו גאלנו מחטאתינו׃

כי מלאכיו יצוה לך לשמרך בכל דרכיך׃

הנה לא ינום ולא יישן שומר ישראל׃

יומם השמש לא יככה וירח בלילה׃

אני יהוה נצרה לרגעים אשקנה פן יפקד עליה לילה ויום אצרנה׃

אני יהוה קראתיך בצדק ואחזק בידך ואצרך ואתנך לברית עם לאור גוים׃

ואני אינני עוד בעולם והם בעולם המה ואני בא אליך אבי הקדוש נצר בשמך את אשר נתתם לי למען יהיו אחד כמנו׃

ושלום אלהים הנשגב מכל שכל ינצר את לבבכם ואת מחשבותיכם במשיח ישוע׃

והוא אלהי השלום יקדש אתכם קדשה שלמה וכל רוחכם ונפשכם וגופכם ישמר תמים בבוא אדנינו ישוע המשיח׃

הנשמרים בעז אלהים על יד האמונה לתשועה העתידה להגלות בעת קץ׃

ולאשר יכול לשמרכם בבלי מכשול ולהעמיד אתכם בששון תמימים לפני כבודו׃