יודו ליהוה חסדו ונפלאותיו לבני אדם׃

יודו ליהוה חסדו ונפלאותיו לבני אדם׃

ויזבחו זבחי תודה ויספרו מעשיו ברנה׃

מה אשיב ליהוה כל תגמולוהי עלי׃

לך אזבח זבח תודה ובשם יהוה אקרא׃

כי תשא את ראש בני ישראל לפקדיהם ונתנו איש כפר נפשו ליהוה בפקד אתם ולא יהיה בהם נגף בפקד אתם׃

העשיר לא ירבה והדל לא ימעיט ממחצית השקל לתת את תרומת יהוה לכפר על נפשתיכם׃

ולקחת את כסף הכפרים מאת בני ישראל ונתת אתו על עבדת אהל מועד והיה לבני ישראל לזכרון לפני יהוה לכפר על נפשתיכם׃

כי נפש הבשר בדם הוא ואני נתתיו לכם על המזבח לכפר על נפשתיכם כי הדם הוא בנפש יכפר׃