Nombres 33:47
ויסעו מעלמן דבלתימה ויחנו בהרי העברים לפני נבו׃
Nombres 33:48
ויסעו מהרי העברים ויחנו בערבת מואב על ירדן ירחו׃
Deutéronome 3:27
עלה ראש הפסגה ושא עיניך ימה וצפנה ותימנה ומזרחה וראה בעיניך כי לא תעבר את הירדן הזה׃
Deutéronome 32:49
עלה אל הר העברים הזה הר נבו אשר בארץ מואב אשר על פני ירחו וראה את ארץ כנען אשר אני נתן לבני ישראל לאחזה׃
Deutéronome 34:1-4
1
ויעל משה מערבת מואב אל הר נבו ראש הפסגה אשר על פני ירחו ויראהו יהוה את כל הארץ את הגלעד עד דן׃
2
ואת כל נפתלי ואת ארץ אפרים ומנשה ואת כל ארץ יהודה עד הים האחרון׃
3
ואת הנגב ואת הככר בקעת ירחו עיר התמרים עד צער׃
4
ויאמר יהוה אליו זאת הארץ אשר נשבעתי לאברהם ליצחק וליעקב לאמר לזרעך אתננה הראיתיך בעיניך ושמה לא תעבר׃