Nombres 26:63
אלה פקודי משה ואלעזר הכהן אשר פקדו את בני ישראל בערבת מואב על ירדן ירחו׃
Nombres 22:1
ויסעו בני ישראל ויחנו בערבות מואב מעבר לירדן ירחו׃
Nombres 31:12
ויבאו אל משה ואל אלעזר הכהן ואל עדת בני ישראל את השבי ואת המלקוח ואת השלל אל המחנה אל ערבת מואב אשר על ירדן ירחו׃
Nombres 33:48
ויסעו מהרי העברים ויחנו בערבת מואב על ירדן ירחו׃
Nombres 35:1
וידבר יהוה אל משה בערבת מואב על ירדן ירחו לאמר׃
Deutéronome 4:46-49
46
בעבר הירדן בגיא מול בית פעור בארץ סיחן מלך האמרי אשר יושב בחשבון אשר הכה משה ובני ישראל בצאתם ממצרים׃
47
ויירשו את ארצו ואת ארץ עוג מלך הבשן שני מלכי האמרי אשר בעבר הירדן מזרח שמש׃
48
מערער אשר על שפת נחל ארנן ועד הר שיאן הוא חרמון׃
49
וכל הערבה עבר הירדן מזרחה ועד ים הערבה תחת אשדת הפסגה׃
Deutéronome 34:1
ויעל משה מערבת מואב אל הר נבו ראש הפסגה אשר על פני ירחו ויראהו יהוה את כל הארץ את הגלעד עד דן׃
Deutéronome 34:6
ויקבר אתו בגי בארץ מואב מול בית פעור ולא ידע איש את קברתו עד היום הזה׃
Deutéronome 34:8
ויבכו בני ישראל את משה בערבת מואב שלשים יום ויתמו ימי בכי אבל משה׃