וגם נצח ישראל לא ישקר ולא ינחם כי לא אדם הוא להנחם׃

אחת נשבעתי בקדשי אם לדוד אכזב׃

כי עוד חזון למועד ויפח לקץ ולא יכזב אם יתמהמה חכה לו כי בא יבא לא יאחר׃

כי אני יהוה לא שניתי ואתם בני יעקב לא כליתם׃

השמים והארץ יעברו ודברי לא יעברון׃

כי לא ינחם האלהים על מתנותיו ועל קריאתו׃

עלי תקות חיי העולם אשר הבטיח לפני ימות עולם האל אשר לא ישקר׃

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃

כל מתנה טובה וכל מנחה שלמה תרד ממעל מאת אבי האורות אשר חלוף וכל צל שנוי אין עמו׃

ותקטן זאת בעיניך אלהים ותדבר על בית עבדך למרחוק וראיתני כתור האדם המעלה יהוה אלהים׃

תתן אמת ליעקב חסד לאברהם אשר נשבעת לאבתינו מימי קדם׃