ויען בלעם ויאמר אל עבדי בלק אם יתן לי בלק מלא ביתו כסף וזהב לא אוכל לעבר את פי יהוה אלהי לעשות קטנה או גדולה׃

יהוה הפיר עצת גוים הניא מחשבות עמים׃

כי חמת אדם תודך שארית חמת תחגר׃

רבות מחשבות בלב איש ועצת יהוה היא תקום׃

מפר אתות בדים וקסמים יהולל משיב חכמים אחור ודעתם ישכל׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

עמדי נא בחבריך וברב כשפיך באשר יגעת מנעוריך אולי תוכלי הועיל אולי תערוצי׃

ויקר יהוה אל בלעם וישם דבר בפיו ויאמר שוב אל בלק וכה תדבר׃

ויען בלעם ויאמר אל בלק הלא דברתי אליך לאמר כל אשר ידבר יהוה אתו אעשה׃

אם יתן לי בלק מלא ביתו כסף וזהב לא אוכל לעבר את פי יהוה לעשות טובה או רעה מלבי אשר ידבר יהוה אתו אדבר׃

ויאמר מיכיהו חי יהוה כי את אשר יאמר יהוה אלי אתו אדבר׃

ויאמר מיכיהו חי יהוה כי את אשר יאמר אלהי אתו אדבר׃