וידעו העם כלו אפרים ויושב שמרון בגאוה ובגדל לבב לאמר׃

לבנים נפלו וגזית נבנה שקמים גדעו וארזים נחליף׃

הוי האמרים נלכה היום ומחר לעיר פלונית אלמונית ונעשה שם שנה אחת לסחר בה ולהרבות רוח׃

תחת אשר תאמרו אם ירצה יהוה ונחיה נעשה כזה וכזה׃

חכם לבב ואמיץ כח מי הקשה אליו וישלם׃

הן יהרוס ולא יבנה יסגר על איש ולא יפתח׃

והוא ישקט ומי ירשע ויסתר פנים ומי ישורנו ועל גוי ועל אדם יחד׃

שיר המעלות לשלמה אם יהוה לא יבנה בית שוא עמלו בוניו בו אם יהוה לא ישמר עיר שוא שקד שומר׃

אין חכמה ואין תבונה ואין עצה לנגד יהוה׃

בלתי כרע תחת אסיר ותחת הרוגים יפלו בכל זאת לא שב אפו ועוד ידו נטויה׃

היתפאר הגרזן על החצב בו אם יתגדל המשור על מניפו כהניף שבט את מרימיו כהרים מטה לא עץ׃

לכן ישלח האדון יהוה צבאות במשמניו רזון ותחת כבדו יקד יקד כיקוד אש׃

מי זה אמר ותהי אדני לא צוה׃

כל אשר איננו אתי הוא לנגדי ואשר איננו מכנס אתי הוא מפזר׃

ויש תקוה לאחריתך נאם יהוה ושבו בנים לגבולם׃

בחרב תפלו על גבול ישראל אשפוט אתכם וידעתם כי אני יהוה׃

עברו כלנה וראו ולכו משם חמת רבה ורדו גת פלשתים הטובים מן הממלכות האלה אם רב גבולם מגבלכם׃

ואת עשו שנאתי ואשים את הריו שממה ואת נחלתו לתנות מדבר׃

זכר יהוה לבני אדום את יום ירושלם האמרים ערו ערו עד היסוד בה׃

ועפו בכתף פלשתים ימה יחדו יבזו את בני קדם אדום ומואב משלוח ידם ובני עמון משמעתם׃

כי רותה בשמים חרבי הנה על אדום תרד ועל עם חרמי למשפט׃

לילה ויומם לא תכבה לעולם יעלה עשנה מדור לדור תחרב לנצח נצחים אין עבר בה׃

מי זה בא מאדום חמוץ בגדים מבצרה זה הדור בלבושו צעה ברב כחו אני מדבר בצדקה רב להושיע׃

פורה דרכתי לבדי ומעמים אין איש אתי ואדרכם באפי וארמסם בחמתי ויז נצחם על בגדי וכל מלבושי אגאלתי׃

ואביט ואין עזר ואשתומם ואין סומך ותושע לי זרעי וחמתי היא סמכתני׃

שישי ושמחי בת אדום יושבתי בארץ עוץ גם עליך תעבר כוס תשכרי ותתערי׃

תם עונך בת ציון לא יוסיף להגלותך פקד עונך בת אדום גלה על חטאתיך׃

ונתתי את נקמתי באדום ביד עמי ישראל ועשו באדום כאפי וכחמתי וידעו את נקמתי נאם אדני יהוה׃

שממות עולם אתנך ועריך לא תישבנה וידעתם כי אני יהוה׃