יהוה בצאתך משעיר בצעדך משדה אדום ארץ רעשה גם שמים נטפו גם עבים נטפו מים׃

הרים נזלו מפני יהוה זה סיני מפני יהוה אלהי ישראל׃

אלהים בצאתך לפני עמך בצעדך בישימון סלה׃

ארץ רעשה אף שמים נטפו מפני אלהים זה סיני מפני אלהים אלהי ישראל׃

בעשותך נוראות לא נקוה ירדת מפניך הרים נזלו׃

ויהיו בני אליפז תימן אומר צפו וגעתם וקנז׃

לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃

ושלחתי אש בתימן ואכלה ארמנות בצרה׃

וחתו גבוריך תימן למען יכרת איש מהר עשו מקטל׃

וישב במדבר פארן ותקח לו אמו אשה מארץ מצרים׃

ויסעו בני ישראל למסעיהם ממדבר סיני וישכן הענן במדבר פארן׃

ויאמר יהוה מסיני בא וזרח משעיר למו הופיע מהר פארן ואתה מרבבת קדש מימינו אש דת למו׃

וימת שמואל ויקבצו כל ישראל ויספדו לו ויקברהו בביתו ברמה ויקם דוד וירד אל מדבר פארן׃

רבים אמרים לנפשי אין ישועתה לו באלהים סלה׃

קולי אל יהוה אקרא ויענני מהר קדשו סלה׃

רגזו ואל תחטאו אמרו בלבבכם על משכבכם ודמו סלה׃

נודע יהוה משפט עשה בפעל כפיו נוקש רשע הגיון סלה׃

שיתה יהוה מורה להם ידעו גוים אנוש המה סלה׃

ויהי ביום השלישי בהית הבקר ויהי קלת וברקים וענן כבד על ההר וקל שפר חזק מאד ויחרד כל העם אשר במחנה׃

והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד׃

וירד יהוה על הר סיני אל ראש ההר ויקרא יהוה למשה אל ראש ההר ויעל משה׃

וכל העם ראים את הקולת ואת הלפידם ואת קול השפר ואת ההר עשן וירא העם וינעו ויעמדו מרחק׃

ויעל משה אל ההר ויכס הענן את ההר׃

ומראה כבוד יהוה כאש אכלת בראש ההר לעיני בני ישראל׃

ותאמרו הן הראנו יהוה אלהינו את כבדו ואת גדלו ואת קלו שמענו מתוך האש היום הזה ראינו כי ידבר אלהים את האדם וחי׃

רכב אלהים רבתים אלפי שנאן אדני בם סיני בקדש׃

הים ראה וינס הירדן יסב לאחור׃

מה לך הים כי תנוס הירדן תסב לאחור׃

מלפני אדון חולי ארץ מלפני אלוה יעקב׃

וקרא זה אל זה ואמר קדוש קדוש קדוש יהוה צבאות מלא כל הארץ כבודו׃

ואם שרות המות החרות באותיות על האבן נראה בכבוד עד שלא יכלו בני ישראל להביט אל פני משה מפני כבוד פניו העמד להבטל׃

כי אם השרות אשר לחיב כבוד הוא כמה יעדף בכבוד השרות אשר לזכות׃

כי אם הדבר העמד להבטל יש לו כבוד הדבר הקים על אחת כמה וכמה׃

וכל בריה אשר בשמים ובארץ ומתחת לארץ ואשר על הים וכל אשר בהם את כלם שמעתי אמרים לאמר לישב על הכסא ולשה הברכה וההדר והכבוד והעז לעולמי עולמים׃

ותאמרנה ארבע החיות אמן ועשרים וארבעה הזקנים נפלו על פניהם וישתחוו לחי עולמי העולמים׃