ויאמר משה כה אמר יהוה כחצת הלילה אני יוצא בתוך מצרים׃

והיתה צעקה גדלה בכל ארץ מצרים אשר כמהו לא נהיתה וכמהו לא תסף׃

ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשה שפטים אני יהוה׃

והיה הדם לכם לאת על הבתים אשר אתם שם וראיתי את הדם ופסחתי עלכם ולא יהיה בכם נגף למשחית בהכתי בארץ מצרים׃

ויהי בחצי הלילה ויהוה הכה כל בכור בארץ מצרים מבכר פרעה הישב על כסאו עד בכור השבי אשר בבית הבור וכל בכור בהמה׃

ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשר אין שם מת׃

ואני הנני מחזק את לב מצרים ויבאו אחריהם ואכבדה בפרעה ובכל חילו ברכבו ובפרשיו׃

וידעו מצרים כי אני יהוה בהכבדי בפרעה ברכבו ובפרשיו׃

יפלס נתיב לאפו לא חשך ממות נפשם וחיתם לדבר הסגיר׃

ויך כל בכור במצרים ראשית אונים באהלי חם׃

עשה להם כמדין כסיסרא כיבין בנחל קישון׃

שיתמו נדיבמו כערב וכזאב וכזבח וכצלמנע כל נסיכמו׃

ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנו׃

ויקח שש מאות רכב בחור וכל רכב מצרים ושלשם על כלו׃

וירדפו מצרים אחריהם וישיגו אותם חנים על הים כל סוס רכב פרעה ופרשיו וחילו על פי החירת לפני בעל צפן׃

אמר אויב ארדף אשיג אחלק שלל תמלאמו נפשי אריק חרבי תורישמו ידי׃

נשפת ברוחך כסמו ים צללו כעופרת במים אדירים׃

כי הנה אויביך יהמיון ומשנאיך נשאו ראש׃

גם אשור נלוה עמם היו זרוע לבני לוט סלה׃

כל גוים סבבוני בשם יהוה כי אמילם׃

סבוני כדבורים דעכו כאש קוצים בשם יהוה כי אמילם׃

כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת׃

לעשות את אשר ידך ועצתך מקדם גזרה להיות׃

ובעת קץ יתנגח עמו מלך הנגב וישתער עליו מלך הצפון ברכב ובפרשים ובאניות רבות ובא בארצות ושטף ועבר׃

ויהוה עליהם יראה ויצא כברק חצו ואדני יהוה בשופר יתקע והלך בסערות תימן׃

הבה נתחכמה לו פן ירבה והיה כי תקראנה מלחמה ונוסף גם הוא על שנאינו ונלחם בנו ועלה מן הארץ׃

וכאשר יענו אתו כן ירבה וכן יפרץ ויקצו מפני בני ישראל׃

וימררו את חייהם בעבדה קשה בחמר ובלבנים ובכל עבדה בשדה את כל עבדתם אשר עבדו בהם בפרך׃

ויאמר בילדכן את העבריות וראיתן על האבנים אם בן הוא והמתן אתו ואם בת היא וחיה׃

ישב במארב חצרים במסתרים יהרג נקי עיניו לחלכה יצפנו׃

תסתירני מסוד מרעים מרגשת פעלי און׃

לירות במסתרים תם פתאם ירהו ולא ייראו׃

יחפשו עולת תמנו חפש מחפש וקרב איש ולב עמק׃