איש תוכחות מקשה ערף פתע ישבר ואין מרפא׃

משא בבל אשר חזה ישעיהו בן אמוץ׃

אני צויתי למקדשי גם קראתי גבורי לאפי עליזי גאותי׃

באים מארץ מרחק מקצה השמים יהוה וכלי זעמו לחבל כל הארץ׃

ועלליהם ירטשו לעיניהם ישסו בתיהם ונשיהם תשגלנה׃

וקשתות נערים תרטשנה ופרי בטן לא ירחמו על בנים לא תחוס עינם׃

חזות קשה הגד לי הבוגד בוגד והשודד שודד עלי עילם צורי מדי כל אנחתה השבתי׃

תעה לבבי פלצות בעתתני את נשף חשקי שם לי לחרדה׃

כי כה אמר אלי אדני לך העמד המצפה אשר יראה יגיד׃

ויקרא אריה על מצפה אדני אנכי עמד תמיד יומם ועל משמרתי אנכי נצב כל הלילות׃

העירותי מצפון ויאת ממזרח שמש יקרא בשמי ויבא סגנים כמו חמר וכמו יוצר ירמס טיט׃

כה אמר יהוה למשיחו לכורש אשר החזקתי בימינו לרד לפניו גוים ומתני מלכים אפתח לפתח לפניו דלתים ושערים לא יסגרו׃

ונתתי לך אוצרות חשך ומטמני מסתרים למען תדע כי אני יהוה הקורא בשמך אלהי ישראל׃

קרא ממזרח עיט מארץ מרחק איש עצתו אף דברתי אף אביאנה יצרתי אף אעשנה׃

ובא עליך רעה לא תדעי שחרה ותפל עליך הוה לא תוכלי כפרה ותבא עליך פתאם שואה לא תדעי׃

הקבצו כלכם ושמעו מי בהם הגיד את אלה יהוה אהבו יעשה חפצו בבבל וזרעו כשדים׃

אני אני דברתי אף קראתיו הביאתיו והצליח דרכו׃

על הארץ מרתים עלה עליה ואל יושבי פקוד חרב והחרם אחריהם נאם יהוה ועשה ככל אשר צויתיך׃

איך נגדע וישבר פטיש כל הארץ איך היתה לשמה בבל בגוים׃

פתח יהוה את אוצרו ויוצא את כלי זעמו כי מלאכה היא לאדני יהוה צבאות בארץ כשדים׃

חרבו כל פריה ירדו לטבח הוי עליהם כי בא יומם עת פקדתם׃

השמיעו אל בבל רבים כל דרכי קשת חנו עליה סביב אל יהי פליטה שלמו לה כפעלה ככל אשר עשתה עשו לה כי אל יהוה זדה אל קדוש ישראל׃

הנני אליך זדון נאם אדני יהוה צבאות כי בא יומך עת פקדתיך׃

הברו החצים מלאו השלטים העיר יהוה את רוח מלכי מדי כי על בבל מזמתו להשחיתה כי נקמת יהוה היא נקמת היכלו׃

שאו נס בארץ תקעו שופר בגוים קדשו עליה גוים השמיעו עליה ממלכות אררט מני ואשכנז פקדו עליה טפסר העלו סוס כילק סמר׃

קדשו עליה גוים את מלכי מדי את פחותיה ואת כל סגניה ואת כל ארץ ממשלתו׃

והשכרתי שריה וחכמיה פחותיה וסגניה וגבוריה וישנו שנת עולם ולא יקיצו נאם המלך יהוה צבאות שמו׃

ודנה כתבא די רשים מנא מנא תקל ופרסין׃

תקל תקילתה במאזניא והשתכחת חסיר׃

באדין אמר בלשאצר והלבישו לדניאל ארגונא והמונכא די דהבא על צוארה והכרזו עלוהי די להוא שליט תלתא במלכותא׃

ודריוש מדיא קבל מלכותא כבר שנין שתין ותרתין׃

מה תחשבון אל יהוה כלה הוא עשה לא תקום פעמים צרה׃

כי עד סירים סבכים וכסבאם סבואים אכלו כקש יבש מלא׃

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט׃

חפר גומץ בו יפול ופרץ גדר ישכנו נחש׃

כי הנני משלח בכם נחשים צפענים אשר אין להם לחש ונשכו אתכם נאם יהוה׃