בשיר לא ישתו יין ימר שכר לשתיו׃

ואתה בן אדם התשפט התשפט את עיר הדמים והודעתה את כל תועבותיה׃

ואמרת כה אמר אדני יהוה עיר שפכת דם בתוכה לבוא עתה ועשתה גלולים עליה לטמאה׃

לכן כה אמר אדני יהוה אוי עיר הדמים סיר אשר חלאתה בה וחלאתה לא יצאה ממנה לנתחיה לנתחיה הוציאה לא נפל עליה גורל׃

להעלות חמה לנקם נקם נתתי את דמה על צחיח סלע לבלתי הכסות׃

הוי בנה עיר בדמים וכונן קריה בעולה׃

הוי מראה ונגאלה העיר היונה׃

שריה בקרבה אריות שאגים שפטיה זאבי ערב לא גרמו לבקר׃

אריה טרף בדי גרותיו ומחנק ללבאתיו וימלא טרף חריו ומענתיו טרפה׃

לעת ערב והנה בלהה בטרם בקר איננו זה חלק שוסינו וגורל לבזזינו׃

מי נתן למשוסה יעקב וישראל לבזזים הלוא יהוה זו חטאנו לו ולא אבו בדרכיו הלוך ולא שמעו בתורתו׃

אלה וכחש ורצח וגנב ונאף פרצו ודמים בדמים נגעו׃