משא בבל אשר חזה ישעיהו בן אמוץ׃

בשנת מות המלך אחז היה המשא הזה׃

משא מואב כי בליל שדד ער מואב נדמה כי בליל שדד קיר מואב נדמה׃

משא מדבר ים כסופות בנגב לחלף ממדבר בא מארץ נוראה׃

משא גיא חזיון מה לך אפוא כי עלית כלך לגגות׃

משא צר הילילו אניות תרשיש כי שדד מבית מבוא מארץ כתים נגלה למו׃

וכי ישאלך העם הזה או הנביא או כהן לאמר מה משא יהוה ואמרת אליהם את מה משא ונטשתי אתכם נאם יהוה׃

כה תאמרו איש על רעהו ואיש אל אחיו מה ענה יהוה ומה דבר יהוה׃

כה תאמר אל הנביא מה ענך יהוה ומה דבר יהוה׃

משא דבר יהוה בארץ חדרך ודמשק מנחתו כי ליהוה עין אדם וכל שבטי ישראל׃

מן הארץ ההוא יצא אשור ויבן את נינוה ואת רחבת עיר ואת כלח׃

ויקם יונה וילך אל נינוה כדבר יהוה ונינוה היתה עיר גדולה לאלהים מהלך שלשת ימים׃

ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת׃

ויט ידו על צפון ויאבד את אשור וישם את נינוה לשממה ציה כמדבר׃