הביטו אליו ונהרו ופניהם אל יחפרו׃

זה עני קרא ויהוה שמע ומכל צרותיו הושיעו׃

אני אל אלהים אקרא ויהוה יושיעני׃

ערב ובקר וצהרים אשיחה ואהמה וישמע קולי׃

תחת אהבתי ישטנוני ואני תפלה׃

הביט ימין וראה ואין לי מכיר אבד מנוס ממני אין דורש לנפשי׃

זעקתי אליך יהוה אמרתי אתה מחסי חלקי בארץ החיים׃

וחכיתי ליהוה המסתיר פניו מבית יעקב וקויתי לו׃

פנו אלי והושעו כל אפסי ארץ כי אני אל ואין עוד׃

כי תאנה לא תפרח ואין יבול בגפנים כחש מעשה זית ושדמות לא עשה אכל גזר ממכלה צאן ואין בקר ברפתים׃

יהוה אדני חילי וישם רגלי כאילות ועל במותי ידרכני למנצח בנגינותי׃

והמה נמלאו חמה ויוסדו יחד מה לעשות לישוע׃

ויהי בימים ההם ויצא ההרה להתפלל ויעמד כל הלילה בתפלה לאלהים׃

לישועתך קויתי יהוה׃

הדריכני באמתך ולמדני כי אתה אלהי ישעי אותך קויתי כל היום׃

אל תתנני בנפש צרי כי קמו בי עדי שקר ויפח חמס׃

קוה אל יהוה חזק ויאמץ לבך וקוה אל יהוה׃

דום ליהוה והתחולל לו אל תתחר במצליח דרכו באיש עשה מזמות׃

למנצח לדוד מזמור קוה קויתי יהוה ויט אלי וישמע שועתי׃

ויתן בפי שיר חדש תהלה לאלהינו יראו רבים וייראו ויבטחו ביהוה׃

למנצח על ידותון מזמור לדוד אך אל אלהים דומיה נפשי ממנו ישועתי׃

עד אנה תהותתו על איש תרצחו כלכם כקיר נטוי גדר הדחויה׃

אך לאלהים דומי נפשי כי ממנו תקותי׃

על אלהים ישעי וכבודי צור עזי מחסי באלהים׃

הנה אל ישועתי אבטח ולא אפחד כי עזי וזמרת יה יהוה ויהי לי לישועה׃

ואמר ביום ההוא הנה אלהינו זה קוינו לו ויושיענו זה יהוה קוינו לו נגילה ונשמחה בישועתו׃

טוב יהוה לקוו לנפש תדרשנו׃

טוב ויחיל ודומם לתשועת יהוה׃

והנה איש היה בירושלים ושמו שמעון והוא איש צדיק וחסיד מחכה לנחמת ישראל ורוח הקדש היה עליו׃

ויבא ברוח אל המקדש ויהי כאשר הביאו הוריו את הנער ישוע לעשות עליו כמשפט התורה׃

עתה תפטר את עבדך כדברך אדני בשלום׃

אשר הכינות לפני כל העמים׃

בני איש עד מה כבודי לכלמה תאהבון ריק תבקשו כזב סלה׃

ודעו כי הפלה יהוה חסיד לו יהוה ישמע בקראי אליו׃

כי לך יהוה הוחלתי אתה תענה אדני אלהי׃

וקראני ביום צרה אחלצך ותכבדני׃

שמע תפלה עדיך כל בשר יבאו׃

וזה הוא בטחוננו אליו אשר אם נשאל דבר כפי רצונו ישמענו׃

ומדעתנו כי ישמענו לכל אשר נשאל נדע גם זאת כי נשיג את המשאלות אשר שאלנו ממנו׃