31
ויספה פליטת בית יהודה הנשארה שרש למטה ועשה פרי למעלה׃
32
כי מירושלם תצא שארית ופליטה מהר ציון קנאת יהוה צבאות תעשה זאת׃
33
לכן כה אמר יהוה אל מלך אשור לא יבוא אל העיר הזאת ולא יורה שם חץ ולא יקדמנה מגן ולא ישפך עליה סללה׃
34
בדרך אשר בא בה ישוב ואל העיר הזאת לא יבוא נאם יהוה׃
35
וגנותי על העיר הזאת להושיעה למעני ולמען דוד עבדי׃
36
ויצא מלאך יהוה ויכה במחנה אשור מאה ושמנים וחמשה אלף וישכימו בבקר והנה כלם פגרים מתים׃
