ויהיו עשים גוי גוי אלהיו ויניחו בבית הבמות אשר עשו השמרנים גוי גוי בעריהם אשר הם ישבים שם׃

עד היום הזה הם עשים כמשפטים הראשנים אינם יראים את יהוה ואינם עשים כחקתם וכמשפטם וכתורה וכמצוה אשר צוה יהוה את בני יעקב אשר שם שמו ישראל׃

כי עברו איי כתיים וראו וקדר שלחו והתבוננו מאד וראו הן היתה כזאת׃

ההימיר גוי אלהים והמה לא אלהים ועמי המיר כבודו בלוא יועיל׃

ויהי אברם בן תשעים שנה ותשע שנים וירא יהוה אל אברם ויאמר אליו אני אל שדי התהלך לפני והיה תמים׃

אבוא בגברות אדני יהוה אזכיר צדקתך לבדך׃

בית יעקב לכו ונלכה באור יהוה׃

וגברתים ביהוה ובשמו יתהלכו נאם יהוה׃

לכן כאשר קבלתם את המשיח את ישוע אדנינו כן גם התהלכו בו׃

וכל אשר תעשו הן במלין הן בפעל עשו בשם האדון ישוע והודו לאלהים אבינו על ידי׃

ויאמר אלהים אל משה אהיה אשר אהיה ויאמר כה תאמר לבני ישראל אהיה שלחני אליכם׃

ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃

כי זה אלהים אלהינו עולם ועד הוא ינהגנו על מות׃

תהלה לדוד ארוממך אלוהי המלך ואברכה שמך לעולם ועד׃

בכל יום אברכך ואהללה שמך לעולם ועד׃