6
אבל לא כאלו נפל דבר אלהים ארצה כי לא כל אשר הם מישראל גם ישראל המה׃
7
ולא על היותם זרע אברהם כלם בנים הם כי ביצחק יקרא לך זרע׃
8
כלומר לא בני הבשר המה בני האלהים כי אם בני ההבטחה הם הנחשבים לזרע׃
9
כי דבר הבטחה הוא מה שנאמר למועד אשוב ולשרה בן׃
10
ולא זאת בלבד כי כן היה גם ברבקה בהיותה הרה לאחד ליצחק אבינו׃
11
כי בטרם ילדו בניה ועוד לא עשו טוב או רע למען תקום עצת האלהים כפי בחירתו לא מתוך מעשים כי אם כרצון הקרא׃
12
נאמר לה כי רב יעבד צעיר׃
13
ככתוב ואהב את יעקב ואת עשו שנאתי׃