Michée 1:14
לכן תתני שלוחים על מורשת גת בתי אכזיב לאכזב למלכי ישראל׃
Michée 1:15
עד הירש אבי לך יושבת מרשה עד עדלם יבוא כבוד ישראל׃
Jérémie 26:18
מיכיה המורשתי היה נבא בימי חזקיהו מלך יהודה ויאמר אל כל עם יהודה לאמר כה אמר יהוה צבאות ציון שדה תחרש וירושלים עיים תהיה והר הבית לבמות יער׃
2 Chroniques 27:1-32
1
בן עשרים וחמש שנה יותם במלכו ושש עשרה שנה מלך בירושלם ושם אמו ירושה בת צדוק׃
2
ויעש הישר בעיני יהוה ככל אשר עשה עזיהו אביו רק לא בא אל היכל יהוה ועוד העם משחיתים׃
3
הוא בנה את שער בית יהוה העליון ובחומת העפל בנה לרב׃
4
וערים בנה בהר יהודה ובחרשים בנה בירניות ומגדלים׃
5
והוא נלחם עם מלך בני עמון ויחזק עליהם ויתנו לו בני עמון בשנה ההיא מאה ככר כסף ועשרת אלפים כרים חטים ושעורים עשרת אלפים זאת השיבו לו בני עמון ובשנה השנית והשלשית׃
6
ויתחזק יותם כי הכין דרכיו לפני יהוה אלהיו׃
7
ויתר דברי יותם וכל מלחמתיו ודרכיו הנם כתובים על ספר מלכי ישראל ויהודה׃
8
בן עשרים וחמש שנה היה במלכו ושש עשרה שנה מלך בירושלם׃
9
וישכב יותם עם אבתיו ויקברו אתו בעיר דויד וימלך אחז בנו תחתיו׃
Esaïe 1:1
חזון ישעיהו בן אמוץ אשר חזה על יהודה וירושלם בימי עזיהו יותם אחז יחזקיהו מלכי יהודה׃
Osée 1:1
דבר יהוה אשר היה אל הושע בן בארי בימי עזיה יותם אחז יחזקיה מלכי יהודה ובימי ירבעם בן יואש מלך ישראל׃
Amos 1:1
דברי עמוס אשר היה בנקדים מתקוע אשר חזה על ישראל בימי עזיה מלך יהודה ובימי ירבעם בן יואש מלך ישראל שנתים לפני הרעש׃
Habaquq 1:1
המשא אשר חזה חבקוק הנביא׃
Michée 1:5
בפשע יעקב כל זאת ובחטאות בית ישראל מי פשע יעקב הלוא שמרון ומי במות יהודה הלוא ירושלם׃
Osée 4:15
אם זנה אתה ישראל אל יאשם יהודה ואל תבאו הגלגל ואל תעלו בית און ואל תשבעו חי יהוה׃
Osée 5:5-14
5
וענה גאון ישראל בפניו וישראל ואפרים יכשלו בעונם כשל גם יהודה עמם׃
6
בצאנם ובבקרם ילכו לבקש את יהוה ולא ימצאו חלץ מהם׃
7
ביהוה בגדו כי בנים זרים ילדו עתה יאכלם חדש את חלקיהם׃
8
תקעו שופר בגבעה חצצרה ברמה הריעו בית און אחריך בנימין׃
9
אפרים לשמה תהיה ביום תוכחה בשבטי ישראל הודעתי נאמנה׃
10
היו שרי יהודה כמסיגי גבול עליהם אשפוך כמים עברתי׃
11
עשוק אפרים רצוץ משפט כי הואיל הלך אחרי צו׃
12
ואני כעש לאפרים וכרקב לבית יהודה׃
13
וירא אפרים את חליו ויהודה את מזרו וילך אפרים אל אשור וישלח אל מלך ירב והוא לא יוכל לרפא לכם ולא יגהה מכם מזור׃
14
כי אנכי כשחל לאפרים וככפיר לבית יהודה אני אני אטרף ואלך אשא ואין מציל׃
Osée 6:10
בבית ישראל ראיתי שעריריה שם זנות לאפרים נטמא ישראל׃
Osée 6:11
גם יהודה שת קציר לך בשובי שבות עמי׃
Osée 8:14
וישכח ישראל את עשהו ויבן היכלות ויהודה הרבה ערים בצרות ושלחתי אש בעריו ואכלה ארמנתיה׃
Osée 12:1
אפרים רעה רוח ורדף קדים כל היום כזב ושד ירבה וברית עם אשור יכרתו ושמן למצרים יובל׃
Osée 12:2
וריב ליהוה עם יהודה ולפקד על יעקב כדרכיו כמעלליו ישיב לו׃
Amos 2:4-8
4
כה אמר יהוה על שלשה פשעי יהודה ועל ארבעה לא אשיבנו על מאסם את תורת יהוה וחקיו לא שמרו ויתעום כזביהם אשר הלכו אבותם אחריהם׃
5
ושלחתי אש ביהודה ואכלה ארמנות ירושלם׃
6
כה אמר יהוה על שלשה פשעי ישראל ועל ארבעה לא אשיבנו על מכרם בכסף צדיק ואביון בעבור נעלים׃
7
השאפים על עפר ארץ בראש דלים ודרך ענוים יטו ואיש ואביו ילכו אל הנערה למען חלל את שם קדשי׃
8
ועל בגדים חבלים יטו אצל כל מזבח ויין ענושים ישתו בית אלהיהם׃
Amos 3:1
שמעו את הדבר הזה אשר דבר יהוה עליכם בני ישראל על כל המשפחה אשר העליתי מארץ מצרים לאמר׃
Amos 3:2
רק אתכם ידעתי מכל משפחות האדמה על כן אפקד עליכם את כל עונתיכם׃
Amos 6:1
הוי השאננים בציון והבטחים בהר שמרון נקבי ראשית הגוים ובאו להם בית ישראל׃