ואלה הבגדים אשר יעשו חשן ואפוד ומעיל וכתנת תשבץ מצנפת ואבנט ועשו בגדי קדש לאהרן אחיך ולבניו לכהנו לי׃

והיה על מצח אהרן ונשא אהרן את עון הקדשים אשר יקדישו בני ישראל לכל מתנת קדשיהם והיה על מצחו תמיד לרצון להם לפני יהוה׃

ועשית ציץ זהב טהור ופתחת עליו פתוחי חתם קדש ליהוה׃

ושמת המצנפת על ראשו ונתת את נזר הקדש על המצנפת׃

ויעשו את ציץ נזר הקדש זהב טהור ויכתבו עליו מכתב פתוחי חותם קדש ליהוה׃

ואת המצנפת שש ואת פארי המגבעת שש ואת מכנסי הבד שש משזר׃

ואמר ישימו צניף טהור על ראשו וישימו הצניף הטהור על ראשו וילבשהו בגדים ומלאך יהוה עמד׃

והעטרת תהיה לחלם ולטוביה ולידעיה ולחן בן צפניה לזכרון בהיכל יהוה׃

ואמרת אליו לאמר כה אמר יהוה צבאות לאמר הנה איש צמח שמו ומתחתיו יצמח ובנה את היכל יהוה׃

וכל לשון תודה כי אדון הוא ישוע המשיח לכבוד אלהים האב׃

על כן גם האלהים הגביהו מאד ויתן לו שם נעלה על כל שם׃