והקטירו אתו בני אהרן המזבחה על העלה אשר על העצים אשר על האש אשה ריח ניחח ליהוה׃

והקטירו הכהן המזבחה לחם אשה ליהוה׃

והקטירם הכהן המזבחה לחם אשה לריח ניחח כל חלב ליהוה׃

כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל׃

וכפר עליו הכהן על חטאתו אשר חטא מאחת מאלה ונסלח לו והיתה לכהן כמנחה׃

והנותרת ממנה יאכלו אהרן ובניו מצות תאכל במקום קדש בחצר אהל מועד יאכלוה׃

הכהן המחטא אתה יאכלנה במקום קדש תאכל בחצר אהל מועד׃

ויקח משה את החזה ויניפהו תנופה לפני יהוה מאיל המלאים למשה היה למנה כאשר צוה יהוה את משה׃

ובשרם יהיה לך כחזה התנופה וכשוק הימין לך יהיה׃