כי ימוך אחיך ומכר מאחזתו ובא גאלו הקרב אליו וגאל את ממכר אחיו׃

כי יהיה בך אביון מאחד אחיך באחד שעריך בארצך אשר יהוה אלהיך נתן לך לא תאמץ את לבבך ולא תקפץ את ידך מאחיך האביון׃

כי פתח תפתח את ידך לו והעבט תעביטנו די מחסרו אשר יחסר לו׃

גם לרעהו ישנא רש ואהבי עשיר רבים׃

בז לרעהו חוטא ומחונן עניים אשריו׃

לעג לרש חרף עשהו שמח לאיד לא ינקה׃

מלוה יהוה חונן דל וגמלו ישלם לו׃

כי העניים תמיד עמכם וכשתרצו תוכלו להיטיב להם ואנכי לא אהיה אתכם תמיד׃

כי העניים תמיד המה עמכם ואני אינני תמיד עמכם׃

כי ידעים אתם את חסד אדנינו ישוע המשיח כי בהיותו עשיר נעשה רש בעבורכם למען תעשירו על ידי רישו׃

שמעו אחי אהובי הלא בעניי העולם הזה בחר האלהים להיות עשירים באמונה וירשי המלכות אשר הבטיח לאהביו׃

ואתם הכלמתם את העני הלא העשירים הם העשקים אתכם והם הסחבים אתכם אל בתי דין׃

כל היום חונן ומלוה וזרעו לברכה׃

למנצח מזמור לדוד אשרי משכיל אל דל ביום רעה ימלטהו יהוה׃

טוב איש חונן ומלוה יכלכל דבריו במשפט׃

פזר נתן לאביונים צדקתו עמדת לעד קרנו תרום בכבוד׃

עשק דל חרף עשהו ומכבדו חנן אביון׃

אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃

ויועצו התלמידים לשלח איש איש מאשר תשיג ידו לעזרת האחים הישבים ביהודה׃

השתתפו בצרכי הקדושים רדפו הכנסת ארחים׃

אם תוכלו ככל אשר תמצא ידכם היו בשלום עם כל אדם׃

לכן אם רעב שנאך האכילהו לחם ואם צמא השקהו מים כי גחלים אתה חתה על ראשו׃

אמנם אין צרך לכתב אליכם על דבר השרות אשר לעזרת הקדשים׃

כי שרות העבודה הזאת לא לבד ימלא את מחסרי הקדושים כי גם יודו רבים לאלהים בשרותכם הנאמן הזה׃

והם בהתחננם בעדכם נכספים לכם בעבור חסד האלהים אשר גבר עליכם׃

רק שנזכר את האביונים אשר גם שקדתי לעשותה׃

ואיש אשר לו נכסי העולם והוא ראה את אחיו חסר לחם וקפץ את רחמיו ממנו איך תעמד בו אהבת אלהים׃

כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם׃

וגר לא תלחץ ואתם ידעתם את נפש הגר כי גרים הייתם בארץ מצרים׃

עשה משפט יתום ואלמנה ואהב גר לתת לו לחם ושמלה׃

ואהבתם את הגר כי גרים הייתם בארץ מצרים׃

כי רעב הייתי ותאכילני צמא הייתי ותשקוני גר הייתי ותאספוני׃

הכנסת ארחים אל תשכחו כי יש אשר הכניסו בה מלאכים ולא ידעו׃