18
ביום הראשון מקרא קדש כל מלאכת עבדה לא תעשו׃
19
והקרבתם אשה עלה ליהוה פרים בני בקר שנים ואיל אחד ושבעה כבשים בני שנה תמימם יהיו לכם׃
20
ומנחתם סלת בלולה בשמן שלשה עשרנים לפר ושני עשרנים לאיל תעשו׃
21
עשרון עשרון תעשה לכבש האחד לשבעת הכבשים׃
22
ושעיר חטאת אחד לכפר עליכם׃
23
מלבד עלת הבקר אשר לעלת התמיד תעשו את אלה׃
24
כאלה תעשו ליום שבעת ימים לחם אשה ריח ניחח ליהוה על עולת התמיד יעשה ונסכו׃
25
וביום השביעי מקרא קדש יהיה לכם כל מלאכת עבדה לא תעשו׃
