כמעשה ארץ מצרים אשר ישבתם בה לא תעשו וכמעשה ארץ כנען אשר אני מביא אתכם שמה לא תעשו ובחקתיהם לא תלכו׃

ושמרתם אתם את חקתי ואת משפטי ולא תעשו מכל התועבת האלה האזרח והגר הגר בתוככם׃

כי את כל התועבת האל עשו אנשי הארץ אשר לפניכם ותטמא הארץ׃

ולא תלכו בחקת הגוי אשר אני משלח מפניכם כי את כל אלה עשו ואקץ בם׃

כי אתה בא אל הארץ אשר יהוה אלהיך נתן לך לא תלמד לעשות כתועבת הגוים ההם׃

וחבר חבר ושאל אוב וידעני ודרש אל המתים׃

דבר אל בני ישראל ואמרת אלהם אני יהוה אלהיכם׃

את משפטי תעשו ואת חקתי תשמרו ללכת בהם אני יהוה אלהיכם׃