Lévitique 15:4-9
4
כל המשכב אשר ישכב עליו הזב יטמא וכל הכלי אשר ישב עליו יטמא׃
5
ואיש אשר יגע במשכבו יכבס בגדיו ורחץ במים וטמא עד הערב׃
6
והישב על הכלי אשר ישב עליו הזב יכבס בגדיו ורחץ במים וטמא עד הערב׃
7
והנגע בבשר הזב יכבס בגדיו ורחץ במים וטמא עד הערב׃
8
וכי ירק הזב בטהור וכבס בגדיו ורחץ במים וטמא עד הערב׃
9
וכל המרכב אשר ירכב עליו הזב יטמא׃
Proverbes 2:16-19
16
להצילך מאשה זרה מנכריה אמריה החליקה׃
17
העזבת אלוף נעוריה ואת ברית אלהיה שכחה׃
18
כי שחה אל מות ביתה ואל רפאים מעגלתיה׃
19
כל באיה לא ישובון ולא ישיגו ארחות חיים׃
Proverbes 5:3-13
3
כי נפת תטפנה שפתי זרה וחלק משמן חכה׃
4
ואחריתה מרה כלענה חדה כחרב פיות׃
5
רגליה ירדות מות שאול צעדיה יתמכו׃
6
ארח חיים פן תפלס נעו מעגלתיה לא תדע׃
7
ועתה בנים שמעו לי ואל תסורו מאמרי פי׃
8
הרחק מעליה דרכך ואל תקרב אל פתח ביתה׃
9
פן תתן לאחרים הודך ושנתיך לאכזרי׃
10
פן ישבעו זרים כחך ועצביך בבית נכרי׃
11
ונהמת באחריתך בכלות בשרך ושארך׃
12
ואמרת איך שנאתי מוסר ותוכחת נאץ לבי׃
13
ולא שמעתי בקול מורי ולמלמדי לא הטיתי אזני׃
Proverbes 6:24
לשמרך מאשת רע מחלקת לשון נכריה׃
Proverbes 6:35
לא ישא פני כל כפר ולא יאבה כי תרבה שחד׃
Proverbes 7:10-27
10
והנה אשה לקראתו שית זונה ונצרת לב׃
11
המיה היא וסררת בביתה לא ישכנו רגליה׃
12
פעם בחוץ פעם ברחבות ואצל כל פנה תארב׃
13
והחזיקה בו ונשקה לו העזה פניה ותאמר לו׃
14
זבחי שלמים עלי היום שלמתי נדרי׃
15
על כן יצאתי לקראתך לשחר פניך ואמצאך׃
16
מרבדים רבדתי ערשי חטבות אטון מצרים׃
17
נפתי משכבי מר אהלים וקנמון׃
18
לכה נרוה דדים עד הבקר נתעלסה באהבים׃
19
כי אין האיש בביתו הלך בדרך מרחוק׃
20
צרור הכסף לקח בידו ליום הכסא יבא ביתו׃
21
הטתו ברב לקחה בחלק שפתיה תדיחנו׃
22
הולך אחריה פתאם כשור אל טבח יבוא וכעכס אל מוסר אויל׃
23
עד יפלח חץ כבדו כמהר צפור אל פח ולא ידע כי בנפשו הוא׃
24
ועתה בנים שמעו לי והקשיבו לאמרי פי׃
25
אל ישט אל דרכיה לבך אל תתע בנתיבותיה׃
26
כי רבים חללים הפילה ועצמים כל הרגיה׃
27
דרכי שאול ביתה ירדות אל חדרי מות׃
Proverbes 9:13-18
13
אשת כסילות המיה פתיות ובל ידעה מה׃
14
וישבה לפתח ביתה על כסא מרמי קרת׃
15
לקרא לעברי דרך המישרים ארחותם׃
16
מי פתי יסר הנה וחסר לב ואמרה לו׃
17
מים גנובים ימתקו ולחם סתרים ינעם׃
18
ולא ידע כי רפאים שם בעמקי שאול קראיה׃
Proverbes 22:27
אם אין לך לשלם למה יקח משכבך מתחתיך׃
Ecclesiaste 7:26
ומוצא אני מר ממות את האשה אשר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד בה׃
1 Corinthiens 15:33
אל נא תתעו חברת אנשים רעים משחתת מדות טבות׃