אנכי יהוה אלהיך אשר הוצאתיך מארץ מצרים מבית עבדים׃

ויאמר משה אל אהרן הוא אשר דבר יהוה לאמר בקרבי אקדש ועל פני כל העם אכבד וידם אהרן׃

דבר אל כל עדת בני ישראל ואמרת אלהם קדשים תהיו כי קדוש אני יהוה אלהיכם׃

והתקדשתם והייתם קדשים כי אני יהוה אלהיכם׃

והייתם לי קדשים כי קדוש אני יהוה ואבדל אתכם מן העמים להיות לי׃

ואתם תהיו לי ממלכת כהנים וגוי קדוש אלה הדברים אשר תדבר אל בני ישראל׃

כי עם קדוש אתה ליהוה אלהיך ובך בחר יהוה להיות לו לעם סגלה מכל העמים אשר על פני האדמה׃

ויאמרו אנשי בית שמש מי יוכל לעמד לפני יהוה האלהים הקדוש הזה ואל מי יעלה מעלינו׃

רוממו יהוה אלהינו והשתחוו להדם רגליו קדוש הוא׃

רוממו יהוה אלהינו והשתחוו להר קדשו כי קדוש יהוה אלהינו׃

וקרא זה אל זה ואמר קדוש קדוש קדוש יהוה צבאות מלא כל הארץ כבודו׃

ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃

הילכו שנים יחדו בלתי אם נועדו׃

לכן היו שלמים כאשר אביכם שבשמים שלם הוא׃

כי לא קרא אותנו האלהים לטמאה כי אם לקדשה׃

כי אם היו קדשים בכל דרכיכם כאשר קדוש הוא אשר קרא אתכם׃

כי על כן כתוב והייתם קדשים כי קדוש אני׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃

החומס יוסיף לחמס והטמא יוסיף להטמא והצדיק יוסיף להצדק והקדוש יוסיף להתקדש׃